Jon Ortiz Larruzea 
Bi urtetik beherako haurtxoen hegaldia ez da ordaindu behar, eta bidaia eserleku esleiturik gabe egin ohi dute, gurasoen eserleku berean. Halere, kasu batzuetan kalte-ordaina jaso daiteke haiengatik, hegaldia bertan behera gelditu edo atzerapena gertatzen bada. Hala ebatzi berri du Bilboko Lehen Auzialdiko 12. Epaitegiak.
Aire-konpainia batek zure hegaldia bertan behera uzten badu eguraldiagatik, eskubidea duzu txartelaren dirua bueltatzeko edo hegaldi alternatibo bat eskaintzeko, eta laguntza eman behar dizute: ostatua, otorduak, joan-etorriak…
Gero eta kasu gehiago ikusten ditugunez, zuri ere gertatu zaizu beharbada: zure bidaia baino hilabete bat edo bi lehenago jakinarazten dizute kontratatu zenuen hegaldiaren data aldatu dela; horrek zure oporrak suntsitu ditzake, zeren, hegaldia bertan behera utzi eta dirua itzultzeko aukera eskaintzen badizute ere, litekeena da ordurako beste gastu asko eginak izatea, eta horien dirua berreskuratzeko eskubiderik ez. Azken epaien arabera, ordea, gastu horiek hegazkin-konpainiak ordaindu behar ditu.
Zure hegaldia bertan behera utzi, eta beste bat erosi behar baduzu zure destinora iristeko, aireko konpainiak bien kalte-ordaina eman beharko dizu. Horrela jasotzen du Bilboko Merkataritza arloko 2. epaitegiak berriki emandako epai batean, Lufthansa zigortu baitu bidaiari bati kalte-ordaina emateko erabili ere egin ez zuen hegaldi batengatik.
Bilboko eta Donostiako Merkataritza arloko epaitegiek hiru epai eman dituzte azken asteetan, eta haietan behartzen dute Tap Air Portugal aire-konpainia txartelen dirua itzultzera bidaiari batzuei, Covid-aren ondorioz haien hegaldiak bertan behera utzi ondoren. Aire-konpainiak uko egin zion dirua itzultzeari, erreserbak bidaia-agentzia baten bidez egin zirela esanez.
Hegaldiak bertan behera uzten direnean eta, batez ere maletak galtzen direnean, kasu batzuetan erreklamazioa egin daiteke eta kalte-ordaina lortu kalte moralengatik, horrelakoetan gure eskubidea den kalte-ordain ekonomikoaz gain.